P9.75B pondo para sa Free Higher Education Program, nilbas ng DBM

Inilabas na ng Department of Budget and Management (DBM) ang pondon na nagkakahalaga ng 9.75 billion pesos para sa Commission on Higher Education (CHED).

Ayon sa DBM ang naturang pondo ay gagamitin para sa mga validated funding deficiencies ng 108 State Universities and Colleges (SUCs) sa buong bansa.

Sakop nito ang nagdaang tatlong magkakasunod na School Year, partikular na ang Academic Years 2022–2023, 2023–2024, at 2024–2025 sa ilalim ng Free Higher Education Program.

Ayon kay DBM Acting Secretary Kim Robert C. De Leon, ang hakbang na ito ay hindi lamang basta pagbabayad sa overdue na obligasyon.

Layunin nito na magbigay ng mas matatag na pinansyal na suporta sa mga pampublikong unibersidad upang mas matutukan ng mga ito ang pagpapaganda ng mga silid-aralan, laboratoryo, academic programs, at mga serbisyo para sa mga mag-aaral. (DDC)