Espesyal na ruta ng bus para sa mga pasahero ng LRT-2 pag-aaralan ng LTFRB

Magsasagawa ng pag-aaral ang Land Transportation Franchising and Regulatory Board o LTFRB sa panukalang espesyal na ruta ng bus sa kahabaan ng LRT Line 2.

Ayon kay LTFRB acting chairperson Greg Pua, layunin nitong masolusyonan ang dami ng bilang ng mga pasaherong gumagamit ng LRT-2 Lalo na kapag rush hours.

Sa pamamagitan ng paglalagay ng bagong ruta ng bus sa kahabaan dinaraanan ng LRT-2 magkakaroon ng alternatibong masasakyan ang mga pasahero.

Ang planong special bus route ay kahalintulad ng ipinatutupad na bus system ngayon sa EDSA para sa mga pasahero ng MRT-3. (DDC)