Co-accused ni dating House Speaker Romualdez sa kasong plunder sumuko
Sumuko sa National Bureau of Investigation ang negosyanteng si Felicito Guevarra na co-accused ni dating House Speaker Martin Romualdez sa kasong plunder.
Kinumpirma ng Office of the Ombudsman ang pagsuko ni Guevarra matapos ihirit ang pagkansela sa pasaporte ng negosyante.
Si Guevarra ay presidente ng Samchan Foreign Exchange Corporation.
Ayon sa pahayag ng Ombudsman, naibalik a din ng Samchan sa Bureau of Treasury ang lahat ng kinita nito sa mga kinukwestyong transaksyon.
Pero sa kabila nito, hindi naman masasabing ligtas na sa pananagutang criminal si Guevarra.
Gayunman, sinabi ng Office of the Ombudsman na pinagkalooban si Guevarra ng conditional immunity sa ilalim ng Republic Act Number 6770 dahil ang mga testinomnya nito at hawak na rekords ay makatutulong sa kaso.
Sa ilalim ng conditional immunity, kailangan niyang makipagtulungan sa kaso, i-turnover dapat ang lahat ng record at devices ng Samchan, manatili siya sa bnsa at mananatili siya sa proteksyon ng DOJ.
Kung lalabagin ang aliman sa kondisyon ay itutuloy ng Ombudman ang kaso laban sa kaniya. (DDC)
