Bicol Region nakapagtala ng walong bagong kaso ng COVID-19

Nakapagtala ng dagdag na walong bagong kaso ng COVID-19 ang Bicol Region.

Sa datos ng DOH-CHD Bicol, sumampa na sa 288 ang kumpirmadong kaso ng COVID-19 sa rehiyon.

Sa nasabing bilang, 139 na lang ang aktibong kaso habang mayroong 141 na recoveries.

Ang walong bagong kaso ay naitala sa Sorsogon (1), Albay (5), Camarines Sur (1) at Catanduanes (1).

Nananatili naman sa walo ang bilang ng nasawi sa rehiyon dahil sa sakit.