Power grids binabantayan ng DOE dahil sa nagbabadyang epekto ng strong El Niño

Masusing binabantayan ng Department of Energy ang sitwasyon ng mga power grid sa bansa kasunod ng nagbabadyang epekto ng strong El Niño.

Ayon sa DOE, magkakasa ito ng simulations sa mga grid upang makapaglatag ng plano sa pagtaas ng demand sa suplay ng kuryente.

Sinabi ni DOE Undersecretary Mario Marasigan, tinutukoy na ng ahensya ang mga power grid na kadalasang nakararanas ng outages kapag nagkakaroon ng mataas na demand.

Ayon sa PAGASA, inaasahan ang pagtaas ng temperature sa bansa kapag naranasan na ang strong El Niño.

Sa ngayon, nararamadaman na ang epekto nito sa Bicol Region at ilang bahagi ng Visayas at Mindanao at inaasahang mas lalakas pa ito sa susunod na taon. (DDC)