23 pang sitio sa Southern Leyte mapapailawan na ayon sa DOE

Ininspeksyon ng mga kinatawan ng Department of Energy ang Sitio Electrification Projects sa ilalim ng Southern Leyte Electric Cooperative o SOLECO.

Layon ng inspeksyon na i-monitor ang implementasyon at progreso ng electrification activities sa mga liblib na lugar.

Ang proyekto ng pagpapailaw sa mga sitio ay pinondohan sa ilalim ng Total Electrification Program ng DOE na layong masuplayan ng kuryente ang dalawampu’t tatlong mga sitio sa rehiyon na nasa ilalim ng franchise area ng SOLECO.

Target itong makumpleto sa susunod na buwan. (DDC)