DMW Sec. Cacdac humiling ng dasal para sa mga Pinoy na naiipit ng gulo sa Middle East

Nanawagan si Department of Migrant Workers Secretary Hans Leo Cacdac ng patuloy na panalangin para sa kaligtasan ng mga overseas Filipino workers sa Saudi Arabia at iba pang bahagi ng Gitnang Silangan.

Ito ay bunsod pa rin ng tumitinding tensyon sa rehiyon.

Sa kanyang mensahe hiniling ni Cacdac na ipagdasal ang paghupa ng karahasan at tensyon sa Middle East.

Tiniyak din ng Kalihim na patuloy na binabantayan ng DMW ang sitwasyon katuwang ang Department of Foreign Affairs, OWWA at iba pang ahensya ng pamahalaan.

Ito ay para masiguro na mapapangalagaan ang kaligtasan at kapakanan ng mga OFW at kanilang pamilya. (DDC)