Walang banta ng oil spill sa pagsadsad ng isang tugboat sa Botolan, Zambales ayon sa Coast Guard

Walang senyales ng oil spill sa katubigan ng Botolan, Zambales matapos ang insidente ng pagsadsad ng isang tugboat noong Biyernes.

Ayon kay Philippine Coast Guard (PCG) Spokesperson Commodore Noemie Cayabyab sa walang nakitang palatandaan ng pagtagas ng oil spill sa ginawang inspeksyon sa barkong SL SUAI ONE.

Nananatili ring selyado at ligtas ang lahat ng fuel tanks nito.

Sinadyang isadsad ang naturang tugboat matapos pasukin ng tubig ang engine room nito dahil sa butas ng barko.

Nasagip naman ang lahat ng siyam na tripulante nito.

Sa sandaling gumanda ang lagay ng panahon agad na isasagawa ang emergency salvage operations sa barko. (DDC)