Walang nakompromisong impormasyon sa pag-atake sa Senate website – DICT
Tiniyak ng Department of Information and Communications Technology na walang mahalagang datos o dokumento na nakompromiso sa pag-atake sa website ng Senado.
Ayon sa DICT, agad nakipag-ugnayan sa Electronic Data Processing–Management Information System Service ang kanilang National Computer Emergency Response Team para ma-restore ang integridad ng website.
Pansamantalang naka – under maintenance ang website habang isinasagawa ang security validation at nagpapatuloy ang restoration efforts.
Sa inisiyal na assessment limitado lang sa defacement ng public-facing pages ng website ang nangyari at walang indikasyon na may nakompromisong sensitibo o confidential data.
Pero ayon sa DICT, patuloy ang kanilang masusing technical investigation sa insidente.
Katuwang ang Senado at CICC, nagsasagawa na rin ng forensic analysis para matukoy ang responsableng threat actors na maaaring maharap sa kasong paglabag sa Republic Act No. 10175 o Cybercrime Prevention Act of 2012. (DDC)
