Halos 90K tauhan ipakakalat sa buong bansa sa Independence Day

Sasailalim na sa full alert status ang Philippine National Police simula ngayong hapon bilang paghahanda sa selebrasyon ng Independence Day.

Ayon kay PNP Chief Police General Jose Melencio Nartatez Jr., halos 90,000 na tauhan ang ipakakalat sa buong bansa.

Sa nasabing bilang, 16,000 ang ide-deploy sa Metro Manila para bantayan ang mga pangunahing
convergence points at kritikal na lugar.

Kabilang sa pinababantayan ni Nartatez ang Rizal Park, mga historic monument, government facilities, transport terminals, mga pangunahing lansangan at mga lugar na madalas pagdausan ng pagtitipon.

Paiigtingin din ang border control checkpoints sa iba’t ibang panig ng bansa.

Ayon kay Nartatez, handa ang PNP sa selebrasyon ng Araw ng Kalayaan at titiyakin ng kapulisan na magiging mapayapa at ligtas ito para sa lahat. (DDC)