DOLE ipinatatawag si Coach Tab Baldwin

Naglabas ng subpoena ang Department of Labor and Employment kay Ateneo basketball coach Tab Baldwin.

Inatasan ni DOLE Acting Secretary Francis Tolentino si Baldwin na humarap sa ahensya sa Lunes, June 15 para ipaliwanag ang status ng kaniyang Alien Employment Permit sa bansa.

Ipinaliwanag ni Tolentino na mayroong kapangyarihan ang DOLE na busisiin ang employment status ng isang foreign national.

Subject aniya sa Philippine Labor Laws si Baldwin sa ilalim ng Labor Code.

Kung compliant naman aniya si Baldwin sa mga kondisyon ng kaniyang Alien Emloyment Permit ay wala naman itong dapat na ipangamba.

Ang utos na ito ng DOLE ay kaugnay ng trahedyang sinapit nina Ateneo student-athletes Divine Adili at Rene Baterbonia sa kanilang team-building activity sa Aurora. (DDC)