Ilang pamilya lumikas matapos ang lindol sa Mindanao nakauwi na sa kanilang bahay

Unti unti nang nakakabalik sa kanilang tahanan ang mga pamilyang naapektuhan ng lindol sa Mindanao.

Sa datos ng Department of Social Welfare and Development, mahigit eighty-four thousand na pamilya ang naitalang naapektuhan ng lindol o katumbas ng mahigit three hundred eight-eight thousand na katao.

Bahagya naman nang nabawasan ang bilang ng mga nananatili sa evacuation center.

Ayon kay DSWD Disaster Response and Management Bureau Director Ma. Isabel Lanada, mahigit isang libong pamilya na lang ang nasa mga evacuation center dahil ag iba ay nagsiuwian na.

Samantala umabot na sa mahigit twenty thousand na family food packs ang naipamahagi ng DSWD sa mga naapektuhan ng lindol.

Ngayong araw ikinarga pa ang mga Family Food Packs mula sa Visayas Disaster Resource Center sa Mandaue City para agarang madala sa Mindanao Disaster Resource Center. (DDC)