P2.6M halaga ng ilegal na droga nakumpiska ng SPD; 97 katao arestado
Mahigit ₱2.6-milyong halaga ng umano’y ilegal na droga ang nakumpiska ng Southern Police District (SPD) at naaresto ang 97 na pinaghihinalaang drug personalities sa tuloy-tuloy na anti-drug campaign sa ilalim ng MaTaPatPaMuLaPa na sumasakop sa mga lungsod ng Makati, Taguig, Pateros, Pasay, Muntinlupa, Las Piñas, at Parañaque.
Ayon sa ulat ng SPD, sa kabuuang 73 na operasyon ng ororidaad ay nagresulta ng pagkadakip ng 71 na umano’y drug users at 26 na ‘drug pushers.
Nakumpiska ng otoridad ang 220.09 na gramo ng shabu, 1.51 na gramo ng marijuana, 187.24 na gramo ng kush, 119 ecstasy tablets, 64.1 na gramo ng cocaine, at 59.53 na gramo ng ketamine na nagkakahalaga ng kabuuang ₱2,617,333.20.
Binigyang-diin ni SPD District Director, BGen Rodel A. Pastor, ang kahalagahan ng matatag at intelligence-driven anti-drug operations upang resolbahin ang bentahan ng ilegal na droga, at panatilihing ligtas ang mga komunidad.
“We will sustain our anti-drug operations and pursue those involved in the illegal drug trade. Our goal is clear: to protect our communities through consistent, intelligence-driven, and lawful police action,” sabi ni BGen Pastor.
Patuloy na pinalalakas ng SPD ang kanyang kampanya kontra ilegal na droga sa pamamagitan ng mga koordinadong operasyon, pangangalap ng intelihensiya, at ugnayan sa komunidad, bilang tugon sa mga direktiba ni National Capital Region Police Office (NCRPO) at ng Philippine National Police (PNP). (Bhelle Gamboa)
