Kalsada at drainage system sa bahgi ng Roxas Blvd. sasailalim sa 6 na buwang konstruksyon

Nakatakdang magsagawa ng konstruksyon sa kahabaan ng Roxas Boulevard Service Road sa Maynila simula bukas, September 18, 2026 hanggang March 16, 2027.

Ito ay bilang bahagi ng prayoridad ng Department of Public Works and Highways na mapanatiling dekalidad at ligtas ang mga imprastruktura para sa publiko.

Ang konstruksyon ay isasagawa mula Padre Faura Street hanggang Sta. Monica Street at gagawing 24/7 ang pagkukumpuni.

Dahil dito, pansamantalang magkakaroon ng partial lane closures sa apektadong bahagi ng kalsada.

Mananatili namang bukas sa mga motorista ang mga bahaging hindi apektado ng work activities. (DDC)