Taguig PNP pinuri ng NCRPO sa mabilis na pagtugon sa insidente ng panghoholdap

Taguig PNP pinuri ng NCRPO sa mabilis na pagtugon sa insidente ng panghoholdap

Pinuri ng National Capital Region Police Office (NCRPO) ang mga tauhan ng pulisya na rumesponde sa insidente ng panghoholdap na nagresulta sa pagkamatay ng mga suspek matapos ang naganap na engkuwentro sa nasabing lungsod kahapon.

Ayon sa report isang pulis na nakasibilyan ang hinoldap ng mga suspek.

Kinilala ni NCRPO Acting Regional Director PBGen. Christopher N. Abrahano ang maagap na pagtugon at mabilis na pagkilos ng mga rumespondeng pulis, at binigyang-diin ang kahalagahan ng kahandaan at pagiging mapagmatyag ng kapulisan upang mapangalagaan ang kaligtasan ng publiko.
“I commend our police personnel for their prompt response and decisive action that led to the neutralization of the suspects. Their commitment to duty demonstrates that the NCRPO remains vigilant and ready to respond to criminal threats,” ani PBGen. Abrahano.

Inatasan niya ang Taguig City Police na paigtingin ang karagdagang imbestigasyon at magsagawa ng manhunt operation upang matukoy at madakip ang iba pang posibleng miyembro ng grupo na maaaring patuloy na kumikilos sa nasabing lugar.

Iniutos din niya ang masusing imbestigasyon upang matukoy kung ang mga nasawing suspek at ang kanilang mga kasabwat ay sangkot sa mga naunang insidente ng pagnanakaw o iba pang gawaing kriminal sa iba’t ibang bahagi ng Metro Manila.

“I am directing the Taguig City Police to exhaust all possible investigative leads, identify the other members of this robbery group, and ensure their immediate arrest. We must also establish whether these suspects were involved in previous criminal activities. Let us determine if this group has been operating in other areas and hold everyone responsible accountable under the law,” dagdag ng heneral.

Pinaalalahanan din ng hepe ng NCRPO ang lahat ng tauhan ng pulisya na manatiling alerto, gumamit ng wastong pagpapasya, at mahigpit na sundin ang mga itinakdang pamamaraan sa operasyon ng pulisya at ang umiiral na batas sa bawat pakikipag-engkuwentro.

“We will not allow criminal groups to threaten the safety of our communities. The NCRPO will remain relentless in pursuing criminals, uncovering their activities, and ensuring that those who violate the law are brought to justice,” ani PBGen. Abrahano.

Panawagan nito sa publiko na manatiling mapagmatyag at makipagtulungan sa mga awtoridad sa pamamagitan ng agarang pagsumbong sa mga kahina-hinalang indibidwal o di-pangkaraniwang aktibidad sa kanilang mga komunidad.

“I urge everyone to be vigilant. If you notice suspicious individuals or unusual activities in your neighborhood, do not hesitate to report them to your nearest police station or call 911. Your timely information could prevent a crime and save lives. Public safety is a shared responsibility, and we need the cooperation of every community,” saad ni PBGen. Abrahano.(Bhelle Gamboa)

 

 

 

 

 

 

 

 

 

 

 

 

 

 

 

newsflashph

newsflashph

Leave a Reply

Your email address will not be published. Required fields are marked *