RoRo Vessel sumadsad sa baybayin sa Occidental Mindoro

Ligtas na nailikas ng Philippine Coast Guard ang mga pasahero at crew ng isang RoRo Vessel na sumadsad sa baybayin ng Abra de Ilog, Occidental Mindoro.

Ayon kay PCG Spokesperson Commodore Noemie Cayabyab, galing sa Batangas Port ang RoRo at patungong Abra de Ilog nang sumadsad ito tatlumpung metro lang ang layo sa baybayin.

Nag-deploy ang Coast Guard ng apat na life raft para mailikas ang mga sakay ng barko.

Lahat ng walumpung pasahero at crew ay nadala ng ligtas sa pantalan ng Abra de Ilog sa tulong ng Provincial Disaster Risk Reduction and Management Office.

Wala namang naobserbahang oil spill ang PCG sa katubigan matapos ang insidente.

Sa inisyal na imbestigasyon, nasira ang gyrocompass ng barko kaya sumadsad ito sa baybayin. (DDC)