Babae natagpuang walang buhay sa loob ng ref sa Montalban
Isang babae ang natagpuang walang buhay sa loob ng refrigerator sa apartment sa Barangay San Jose, Rodriguez, Rizal.
Ayon sa Rodriguez PNP nadiskubre ang katawan ng biktima araw ng Miyerkules, Setyembre 16.
Sinabi ni Police Lt. Col. Arwyn Gaffud, Chief of Police ng Rodriguez Municipal Police Station, itinuturing nilang person of interest ngayon lalaking huling nakasama ng biktima.
Humingi naman ng tulong ang Rodriguez PNP sa publiko para sa pagtukoy ng pagkakakilanlan ng biktima.
Tinatayang nasa 25 hanggang 30 years old ang babae at ang taas ay nasa 5’2 hanggang 5’3, maputi at balingkinitan ang katawan. (DDC)
