Pagtakas ng PDL gamit ang drone sa correctional facilities, walang tsansa

Sinabi ni Bureau of Corrections Director General Gregorio Pio P. Catapang Jr. na walang tsansa ang pagtakad mula sa correctional facilities sa pamamagitan ng paggamit ng drones dahil sa ingay na tunog na nagmumula sa devices at napakalaking closed-circuit television (CCTV) systems na nakalagay sa mga kulungan.

Inihayag ito ni Catapang bilang sagot nito sa katanungan ng mga mamamahayag kaugnay sa posibleng paggamit ng drones sa prison operations partikular ang koneksiyon ng tangkang pagtakas, pagdeliver ng kontrabando o hindi otorisadong surveillance ng correctional facilities.

“All our Operating Prison and Penal Farms are no fly zones, and we have watch towers manned 24/7 which immediately alert our guards if there will be attempts to scape through drones aside from maingay ang drone at equipped naman ang ating facilities ng mga CCTV, so we can detect it at once,” ani Catapang.

Ayon pa sa BuCor chief, hindi kayang i-operate ang drones malapit sa correctional facilities ng hindi nakakatawag ng atensiyon ng prison personnel at security systems. Ang kanilang maingay na mga motor lalo na kapag lumilipad sa mababang lebel ay agad na maaalerto ang mga guwardiya at iba pang otoridad.

Aniya ang presensiya ng CCTV cameras sa mga correctional facilities ay lalong nagpapalakas sa abilidad ng BuCor na madetect ang mga kahina-hinalang aktibidad. Sa tulong ng mga camera, namomonitor ng security personnel ang prison grounds, perimeters, buildings, at iba pang restricted areas. Ang anumang drone na makikita sa loob o malapit sa pasilidad ay kayang irecord at itrack upang agad na makaresponde ang otoridad.

Ang pahayag na ito ni Catapang ay bunsod ng lumalaking alalahanin kaugnay sa posibleng paggamit ng drones sa mga kriminal na aktibidad.

Sa mga nakalipas na taon,ang drone ay naging mas accessible at abot kaya, mga katanungan sa posibleng paggamit sa pagdedeliver ng ipinagbabawal na mga gamit, pagsagawa ng surveillance, o pag-asiste ng inmates sa pagpaplano ng pagtakas.

Dahil ang drones ay kayang lumipad sa pader at iba pang pisikal na harang, kung minsan masasabing posible itong banta ng seguridad sa piitan. Ngunit nanindigan si Catapang ang mga concerns na ito ay kailanman hindi magiging mangyaring paraan ng pagtakas. Kahit pa aniya na ang drone ay ginagamit sa pagdadala ng kagamitan, communications devices, o ibang materyales sa pasilidad, ang device na ito ay nadedetect bago pa maisakatuparan ang pakay nito.

Inilarawan ni Catapang ang pagtakas gamit ng drone ay walang tsansa ng tagumpay kahit pa may kakayahan ang drones na lumipad sa pader ng kulungan subalit hindi kakayanin matinding pagbabantay ng mga tauhan ng Bucor at tulong ng teknolohiya upang protektahan ang correctional facilities.

Ang isyung ito aniya ay maituturing na malaki dahil pinamamahalaan ng BuCor ang ilang malalaki at highly populated facilities kung saan pinapanatili ang kinakailangang seguridad hindi lamang pisikal na mga harang kundi tuloy-tuloy na pagiging mapanuri at mas maayos na monitoring systems. (Bhelle Gamboa)