Electric at hybrid vehicles bawal munang isakay sa mga barko ng Montenegro Shipping Lines
Ipagbabawal na ng Montenegro Shipping Lines ang pagsakay sa kanilang mga barko ng mga electric vehicles at hybrid electric vehicles.
Sa inilabas na memorandum ng kumpanya, ang mga EVs at HEVs ay bawal nang isakay o ibiyahe sa lahat ng kanilang mga barko bilang bahagi ng safety precaution.
Mananatiling in effect ang pag-ban sa mga EV at HEV hangga’t hindi nag-iisyu ng panibagong kautusan ng management ng shipping lines.
Ang kautusang ito ng Montenegro ay kasunod ng insidente ng sunog sa MV June Aster sa Palawan.
Batay kasi sa inisyal na imbestigasyon, posibleng isang electric vehicle ang pinagmulan ng sunog sa naturang barko. (DDC)
