NCRPO Chief pinatitiyak sa Muntinlupa City Police ang pagkamit ng katarungan sa brutal na pagkamatay ng isang construction worker
Inatasan ni National Capital Region Police Office (NCRPO) Acting Director Police Brigadier General Christopher N. Abrahano ang Muntinlupa City Police na gawin ang lahat ng kinakailangang hakbang upang matukoy, matunton, at maaresto ang lahat ng indibidwal na responsable sa pagkamatay ng 31-anyos na construction worker na si Richard Escaros.
Ipinag-utos ni PBGen. Abrahano ang mas pinaigting na imbestigasyon kasunod ng insidente noong Oktubre 18, kung saan binugbog umano hanggang sa mamatay si Escaros matapos habulin ang isang nakamotorsiklong lalaki na iniulat na nakabangga sa kanyang batang anak na lalaki habang sila ay naglalakad sa kalsada.
Batay sa paunang ulat, hinabol ng biktima ang tumakas na nakamotorsiklo mula sa pinangyarihan ng insidente subalit pagsapit sa kabilang bahagi ng kalsada, isang grupo ng kalalakihan na pinaniniwalaang mga kaibigan ng nakamotorsiklo ang humabol sa kanya at walang-awang binugbog at hampasin umano sa ulo ng matigas na bagay na nagresulta nang pagkabasag ng kanyang bungo at agarang pagkamatay.
“We will not allow this senseless act of violence to go unanswered. I have directed the Muntinlupa City Police to exhaust all available resources and investigative leads to identify and apprehend everyone involved in this brutal killing. Those responsible must be held accountable under the law,” ayon kay PBGen. Abrahano
Binigyang-diin niya na kinakailangang sundan ng mga imbestigador ang lahat ng posibleng lead, mangalap ng mga ebidensya, repasuhin ang mga available na CCTV footage, tukuyin ang mga saksi, at tiyakin ang pagkakakilanlan ng lahat ng sangkot sa pananakit, kabilang ang nakamotorsiklong lalaki.
Tiniyak din ng hepe ng NCRPO sa naulilang pamilya na magbibigay ng kinakailangang tulong at suporta sa gitna ng kanilang pinagdaraanan.
“We extend our deepest sympathies to the family of Mr. Escaros. No family should have to endure such a painful and senseless loss. We assure them that they will not be left alone in their pursuit of justice. The NCRPO, through the Muntinlupa City Police, will provide the necessary assistance and keep them informed of significant developments in the investigation,” ayon sa heneral .
Muli ring iginiit ni Abrahano na walang lugar ang karahasan at ang paglalagay ng batas sa mga kamay sa isang mapayapa at maayos na pamayanan. Binigyang-diin niya na sinumang lalabag sa batas ay dapat managot sa kanilang mga ginawa sa pamamagitan ng tamang proseso.
Hinimok din ni PBGen. Abrahano ang publiko na agad humingi ng tulong sa pulisya kapag nakasaksi ng aksidente sa kalsada, pisikal na komprontasyon, o anumang insidenteng maaaring magbanta sa kaligtasan ng mga mamamayan.
“We appeal to the public: if you witness a hit-and-run, an assault, or any situation that could escalate into violence, immediately call the police and report the incident. Do not put yourselves in harm’s way or take matters into your own hands. Let our police officers respond, secure the situation, and take the appropriate action. A timely report could save lives and prevent another tragedy,” Dagdag ng hepe ng NCRPO. (Bhelle Gamboa)
