Tapayan water hyacinth processing facility binisita ng World Bank
Nagsagawa ng site visit ang World Bank sa pangunguna ng Practice Manager Michael Webster, sa Water Hyacinth Processing Facility na matatagpuan sa Tapayan Pumping Station bilang parte ng Implementation Support Mission para sa World Bank at AIIB-funded Metro Manila Flood Management Project (MMFMP).
Ang pasilidad ay gumagamit ng water hyacinth bilang pangunahing raw material sa paggawa ng mga produktong makakalikasan gaya ng charcoal briquettes (uling) at lily pots (paso). Layunin ng ganitong teknoohiya na magbigay ng sustenableng solusyon para sa sangkaterbang water hyacinths sa mga daluyan ng tubig lalo na sa panahon ng tag-ulan, na pumipigil sa episyenteng operasyon ng mga pumping stations.
Sa ngayon, mahigit 60,000 kilos ng water hyacinth ang nakolekta kung saan nakagawa ng higit 33,000 na pirasong uling at 1,200 na paso.
Ang pagbisita ay kasama sa mas malawak na project review na nagbigay diin sa solidong pakinabang sa MMFMP’s sub-projects. Sa mahahalagang resulta para sa bahagi ng MMDA ay ang 58% na pagbaba ng mga basurang nakokolekta sa mga pumping stations, at sa pagsasaayos ng pamamahala ng mga basyra sa 202 barangays. Lagpas naman sa target ang mga key performance indicators kung saan ang Component 2 ng MMDA ay ginawaran ng Satisfactory rating sa katatapos na Misyon. (Bhelle Gamboa)
