Motorcycle ride-hailing rider timbog sa higit ₱1M shabu sa Taguig City

Kulungan ang kinabagsakan ng isang bagong natukoy na High-Value Individual (HVI) makaraang makumpiska ng mga operatiba ng Southern Police District (SPD) ang mahigit isang milyong halaga ng hinihinalang shabu sa buy-bust operation sa Taguig City.

Isinagawa ang operasyon ng District Drug Enforcement Unit (DDEU), SPD sa koordinasyon ng Sub-Station 7 ng Taguig City Police Station, sa Mindanao Avenue, Barangay Maharlika Village sa lungsod na nagresulta ng pagkaaresto ng suspek na si alyas “Bag,” 45-anyos, isang motorcycle ride-hailing rider.

Nakumpiska umano mula sa suspek ang 150 na gramo ng umano’y shabu na nagkakahalaga ng ₱1,020,000.00; white envelope na naglalaman ng buy-bust money, at Android mobile phone.

Binigyang diin ni BGen Rodel A. Pastor, District Director ng SPD, ang kahalagahan ng waalang humpay na intelligence-driven operations laban sa ilegal. A droga bilang bahagi ng pangako ng Distrito na proactive, professional, at accountable police service.

Ang suspek ay dinala sa DDEU-SPD office para sa dokumentasyon at pagsasampa ng kaukulang kaso sa droga.

Naninindigan ang SPD sa maigting nitong kampanya kontra ilegal na droga sa pamamagitan ng strategic deployment, intelligence-led operations, at malapit na koordinasyon sa ibang yunit ng pulisya at stakeholders upang panatilihin anv kapayapaan at seguridad sa buong katimugang Metro Manila. (Bhelle Gamboa)