1M drug den nabuwag sa Taguig, 5 high-value suspeks nadakip ng SPD

Nabuwag ng mga operatiba ng District Drug Enforcement Unit (DDEU) ng Southern Police District sa ilalim ng pangunguna ni DDEU Chief Maj Cecilio Tomas Jr. at sa koordinasyon ng Taguig City Police Station, ang isang illegal drug den at naaresto ang limang high-value drug suspects sa gitna ng buy-bust operation s Barangay Central Bicutan, ngayong Linggo.

Ang mga naarestong susprk ay kinilalang sina alyas Jemai, 34-anyos; alyas Mohaimen, 37-anyos; alyas Moonderf John, 32-anyos; alyas Mark Anthony, 41-anyos; at alyas Erwin, 60-anyos, maintainer ng ilegal na pasilidad.

Ikinasa ng operatiba ang operasyon sa isang bahay sa Villa Street, Barangay Central Bicutan kung saan matagumpay umanong nakabili ng droga ang police poseur-buyer mula kay alyas Jemai na nagresulta ng pagkakabueag da drug den at pagkaaresto ng apat na iba pang indibiduwal.

Nakumpiska ng otoridad ang ilang pakete na naglalaman ng umano’y shabu na nagkakahalaga ng ₱1,088,000.00; buy-bust money; at Android mobile phone na ginamit sa transaksiyon.

Nasa kustodiya ngayon ng DDEU-SPD office ang mga suspek at inihahanda ang pagsasampa ng kasong paglabag sa Section 5 (Sale), Section 6 (Maintenance of a Drug Den), Section 11 (Possession), and Section 26 (Conspiracy), Article II of Republic Act 9165 (Comprehensive Dangerous Drugs Act of 2002).

Pinuri ni BGen Glenn Oliver C. Cinco, District Director ng SPD ang DDEU at operating personnel sa matagumpay na pagbuwag sa drug den at napigilan ang major illicit drug supply network sa lokalidad. Ikinatuwa ng SPD chief ang epektibo at koordinadong operasyon ng team na nagbigay-diin sa tuloy-tuloy na mga hakbang ng SPD upang buwagin ang mga drug dens, pagkaaresto ng mga high-value drug personalities, at tiyaking ligtas ang mga komunidad laban sa banta ng ilegal na droga. (Bhelle Gamboa)