Chinese national kalaboso sa granada, baril, at droga sa Makati City

Inaresto ng mga tauhan ng Makati City Police Station, sa ilalim ng direktang superbisyon ni Chief of Police Col Pedro Alagano Jr., anf isang 38-anyos na Chinese national matapos nadiskubre ang granada sa kanyang nirerentahang kuwarto at narekober din ang hindi lisensiyadong baril, ilegal na droga, at patalim sa Barangay Palanan sa lungsod nitong Sabado.

Kinialala ang suspek na si alyas Lin, 38-anyos, nakatira sa nasabing barangay.

Dakong alas-4:55 ng hapon inireport ng pamunuan ng Artemis Place sa Filmore Street, Barangay Palanan, sa Palanan Police Sub-Station 2 ang isang green Mk2 hand fragmentation grenade sa loob ng Unit 403 na nirentaha ng suspek at kinakasama nito.Mabilis na rumesponde ng mg pulis habang ang Explosive Ordnance Disposal (EOD) team ay agad nagkasa ng Rendered Safe Procedure. Sinuri ng otoridad ang mga gamit sa loob ng silid dito natagpuan ang isang selyadong pakete na naglalaman ng umano”y shabu, dalawang hinihinalang ecstasy tablets, at identification photos ng suspek.

Nabatid na nirentahan din ng suspek ang Unit 306 kung saan nahuli ang suspek kasama ang 25-anyos na bbaeng kasama nito.Nakuha mula sa suspek ang Springfield Caliber .45 pistol na my serial number XD650980, Swiss knife, isang plastic sachet na naglalaman ng ‘shabu’, at glass tube pipe na may bakas umano ng marijuana.

Mahaharap ang suspek sa mga kasong paglabag sa Republic Act 9516 (Illegal Possession of Explosives), Republic Act 10591 (Comprehensive Firearms and Ammunition Regulation Act), Republic Act 9165 (Comprehensive Dangerous Drugs Act of 2002), at Batas Pambansa Blg. 6 (Illegal Possession of Deadly Weapons).

Pinuri ni Southern Police District Director BGen Glenn Oliver C. Cinco si Makati CPS chief, Col Pedro Alagano Jr at kanyang mga tauhan sa mabilis na pegresponde at aksyon sa insidente.

Tiniyak ni BGen Cinco sa publiko na ang SPD ay hindi matitinag na tanggalin ang explosive materials, illegal firearms, at droga mula sa mga komunidad upang siguruhi ang kaligtasan ng mamamayan. (Bhelle Gamboa)