Mga kumpanya ng langis may hanggang P220 na taas presyo sa LPG

Dagdag presyo na naman ang sasalubong sa mga consumer ngayong unang araw ng buwan ng Abril.

Nagpatupad ng beinte pesos per kilo na dagdag sa presyo ng LPG ang kumpanyang Petron.

Katumbas ito ng two hundred twenty pesos na dagdag sa presyo ng kada 11-kilogram cylinder na epektibo na 12:01 ng madaling araw.

Ang kumpanyang Regasco naman, may dalawang yugto ng taas presyo sa kanilang LPG.

Epektibo na kanina ang eight pesos per kilo o katumbas ng eighty-eight pesos na dagdag sa 11-kilogram LPG.

Habang sa April 7, panibagong dagdag na eight pesos per kilo ang ipatutupad ng Regasco. (DDC)