DPWH may sabayang road repairs sa iba’t ibang bahagi ng NCR

Inabisuhan ng Department of Public Works and Higyways ang mga motorista kaugnay ng sabayang road repairs na ikinakasa sa Metro Manila ngayong Holy Week.

Ayon sa DPWH-NCR, hanggang sa umaga ng April 6 tatagal ang repair works sa iba’t ibang bahagi ng NCR.

Kabilang dito ang ilang lansangan sa Las Piñas, Muntinlupa, Maynila, Pasig, Valenzuela, at Quezon City.

Maliban sa pag-aaspalto, kabilang sa mga ginagawang repair ang sidewalk improvement, expansion joint, pagpintura ng mga concrete railing, waterproofing, paggawa ng bridge at link slab, at iba pang rehabilitation works.

Samantala, hinihikayat ng DPWH ang mga motorista na sundin ang mga traffic signs at on-site advisories para sa mas maayos na daloy ng trapiko.

Habang isinasagawa ang repair ay magkakaroon ng temporary partial closure sa mga apektadong bahagi. (DDC)