Pilipinas nag-angkat ng higit 1,400 na buntis na baka mula Australia

Dumating sa bansa ang mahigit 1,400 na buntis na baka mula Australia.

Ayon sa National Dairy Authority, ito ay matapos ang tatlong taon na hindi nag-aangkat ang Pilipinas ng dairy cattle.

Layunin ng pag-aangkat ng dairy cattle na mapadami muli ang animal inventory at maitaas ang produksyon ng gatas sa bansa.

Inaasahan na ang 1,419 na buntis na baka ay makapag-aambag ng hanggang 5.9 million liters ng gatas sa susunod na taon.

Ang magiging anak ng mga baka ay ipamamahagi sa mga kwalipikadong dairy farmers at kooperatiba. (DDC)