Danger level na heat index naitala sa Virac, Catanduanes

Nagbabala ang PAGASA sa danger level na heat index na maaaring maranasan pa rin sa Virac, Catanduanes ngayong Miyerkules Santo, April 1.

Inaasahan kasing aabot sa 45 degrees Celsius ang heat index sa naturang lugar ngayong araw.

Kahapon Martes Santo, pumalo sa 47 degrees Celsius ang naitalang heat index sa Virac.

Danger level din ang heat index na naitala kahapon sa Dagupan City, Pagasinan at Roxas City, Capiz na pumalo sa 42 degrees Celsius.

Ayon sa PAGASA, kapag umabot sa danger level ang heat index, maaaring makaranas ng heat cramps at heat exhaustion.

Habang ang patuloy na pagkakabilad sa matinding init ng araw ay maaaring mauwi sa heat stroke. (DDC)