VMMC doctors nagkasa ng medical mission sa NBP

Nagsagawa ng kauna-unahang medical mission ang mga doktor ng Veterans Memorial Medical Center (VMMC) sa paangunguna ng kanilang Medical Director na si Dr. Peter Paul Reuben G. Galvez, para sa mga dating military personnel na nakakulong sa New Bilibid Prison (NBP) sa Muntinlupa City.

Ang mahalagang outreach ay makabuluhang hakbang sa pagtugon sa kinakailangang alagang kalusugan ng mga retiradong miyembro na ngayon ay nagsisilbi ng kanilang sentensiya sa prison system.

Nagpahayag ng malakas na suporta si Bureau of Corrections (BuCor) Director General Gregorio Pio P. Catapang Jr. sa naturang inisyatiba at binigyang-diin na ang ganitong medical mission ay dadalasan nang isasagawa para palakasin ang medical attension na binibigay sa mga dating sundalo at nararapat na komprehensibong atensiyong medikal habang nakakulong.

Kabilang ang 31 ex-military officers at personnel na kasalukuyang nakakulong sa NBP, 21 ang mula sa Philippine Army, 9 na dating Marines, at isa naaman mula sa Philippine Air Force. Ang nasabing inmates ay nakakulong sa iba’t ibang security levels sa loob ng piitan: 19 ang nasa Maximum Security Compound, walo sa Medium Security Compound, at apat naman sa Minimum Security Compound.

Sa kasagsagan ng medical mission, nagsagawa ang VMMC doctors ng kabuuang health check-ups para sa bawat inmate, sinuri ang kondisyong medikal at rugunan ang agaran ang health concerns. Matapos ang kanilang pagsusuri, ang lahat ng dating military personnel ay binigyan ng kaukulang gamot upang tulungan sila sa kanilang pagpapagamot at mas maayos ang kanilang kalagayan.

Nagbahagi naman ng update si CT/Supt. Ma Cecilia Villanueva, Director for Health and Welfare Services at Chief ng NBP Hospital,kaugnay sa estado ng kalusugan ng mga dating military inmates. Aniya pumanaw nitong Linggo lamang ang isang 73-anyos na dating Philippine Army officer, na walang mga hospital consultations o naitalang medikal na pagbisita sa NBP. Sasailalim sa awtopsiya ang labi ng inmate upang matukoy ang sanhi ng pagkamatay nito na magsisilbing importansiya sa tuluy-tuloy na medical monitoring sa lahat ng inmates.

Ayon kay Catapang ang collaborative medical mission sa pagitan ng VMMC at ng BuCor ay sumasalamin sa pangako ng dalawang institusyon na magbigay ng marangal at propesyunal na serbisyong alagang kalusugan sa mga nagsilbi sa ating bansa anuman ang kanilang kasalukuyang kalagayan. (Bhelle Gamboa)