Higit P47M na halaga ng agri products nakumpiska

Nasabat ng Bureau of Customs sa Port of Subic ang milyon-milyon pisong halaga ng smuggled na frozen at processed food products.

Ayon kay Commissioner Ariel Nepomuceno, nauna na silang nakatanggap ng intelligence report kaugnay sa shipments na naglalaman ng mga misdeclared na agricultural products.

Agad namang nag-isyu ng Alert Orders ang BOC sa mga kargamento na galing ng China.

At nang isailalim sa physical examination tumambad sa mga otoridad ang mahigit tatlong libong kahon ng iba’t ibang food products gaya ng frozen beef, pork, chicken, duck, pastry at seafood items.

Ayon kay Nepomuceno, aabot sa 47.436 million pesos ang halaga ng mga smuggled na produkto. (DDC)