Walang dagdag-singil sa tubig – Manila Water

Tiniyak ng Manila Water na walang magiging pagtaas sa singil sa tubig nang dahil sa nangyayaring paggalaw sa presyo ng produktong petrolyo.

Sa pahayag ng kumpanya, sinabi nito na kung may kailangang pagbabago sa kanilang singil, ito ay sasailalim sa pag-aaral at pahintulot ng mga regulatory authorities.

Kasabay nito ay tiniyak ng Manila Water na magpapatuloy ang maaasahang serbisyo ng tubig lalo ngayong panahon na ng tag-init kung kailan kritikal ang suplay ng tubig.

Siniguro din nito ang patuloy na paghahatid ng ligtas at malinis na inuming tubig pati na rin ang serbisyong pang-sanitasyon. (DDC)