Salary Deductions suspendihin muna – Sen. Imee

Umapela si Senator Imee Marcos na pansamantalang itigil muna ang pagpapatupad ng salary deductions sa mga empleyado ngayong nasa state of energy emergency ang bansa.

Ang panawagan ng senadora ay para sa SSS, GSIS, PAG-IBIG at PhilHealth upang magpatupad ng pansamantalang tigil-singil at loan moratorium.

Ayon kay Sen. Imee, kahit sa loob lamang ng isang buwan dapat ay hindi muna bawasan ang sweldo ng mga manggagawa at hindi muna singilin sa kanilang loan.

Sa gitna ng tumitinding epekto ng patuloy na pagtaas ng presyo ng langis at pangunahing bilihin, sinabi ng senadora na malaking tulong kung matatanggap ng mga manggagawa ng buo ang kanilang sahod. (DDC)