2 kumpanyang sangkot sa illegal recruitment ipinasara ng DMW

Ipinatigil ng Department of Migrant Workers ang operasyon ng Creative Artist Placement Services Incorporated at Schengen Visa Caps dahil sa pagkakasangkot sa illegal recruitment.

Ayon sa DMW, magkasabwat ang dalawang kumpanya sa pagre-recruit ng mga Pinoy magtrabaho sa Poland, Albania, Czech Republic, at Hungary.

Pinangangakuan ang mga aplikante ng sweldong eighty thousand pesos kada buwan bilang factory worker, farmer, housekeeper, cleaner, driver, at saleslady.

Ang mga aplikante ay siningil ng one hundred thousand hanggang one hundred fifty thousand bilang processing fee pero wala kahit isa sa kanila ang napaalis.

Ayon sa DMW, sasampahan ng kaso ang mga nasa likod ng Creative Artist Placement Services at Schengen Visa Caps at ilalagay na din sa List of Persons and Entities with Derogatory Record. (DDC)