OFW sugatan sa missile attack sa Israel

Kinumpirma ng embahada ng Pilipinas na isang Pinoy ang nasugatan sa pagtama ng missile sa Arad, Israel.

Ayon sa Philippine Embassy sa Israel, ang trenta’y anyos na lalaki ay nagtamo ng sugat sa kaniyang binti subalit hindi naman ito malubha.

Sa ngayon ay nagpapagaling ang OFW sa Soroka Medical Center at inaasahan ding makalalabas na sa lalong madaling panahon.

Nabisita na din siya ng mga staff ng embahada para personal na makita ang kaniyang kondisyon at mabigyan ng agarang tulong.

Samantala, binisita din ng Rapid Response Team ng Philippine Embassy ang mga Pinoy sa Arad at Dimona na naapektuhan ng missile attacks matapos magtamo ng minor damage ang tinutuluyan nilang apartments.

Pansamantala ay nakikitira sila sa tinutuluyan ng mga kapwa nila Pinoy sa lugar habang ang iba ay nananatili naman sa isang hotel malapit sa Dead Sea. (DDC)