Mga aplikasyon para sa voter registration idadaan pa sa hearing

Nilinaw ng Commission on Elections na hindi pa agad itinuturing na rehistradong botante ang mga nagparehistro sa katatapos na voter registration.

Ayon sa Comelec, ang mga naisumiteng aplikasyon para registration, reactivation at change of entry ay idadaan pa sa hearing.

Sa August 25 itinakda ang hearing ng Election Registration Board para sa lahat ng rehiyon maliban sa BARMM. Habang sa August 22 naman ang hearing para sa BARMM.

Ang mga opisina ng Election Officer sa buong bansa ay magpapaskil ng mga aprubado at hindi naaprubahang aplikasyon sa kani-kanilang mga tanggapan.

Ang aplikante na hindi maaaprubahan ang apliaksyon ay padadalhan ng notice ng Election Officer. (DDC)