736 pang PDLs pinalaya ng BuCor

Umabot sa 736 pang persons deprived of liberty (PDLs) ang pinalaya ng Bureau of Corrections magmula Hulyo 4 hanggang Hulyo 30.

Kinumpirma ni BuCor Director General Gregorio Pio P. Catapang Jr. na nasa kabuuang 25,304 PDLs na ang lumaya sa ilalim ng administrasyong Marcos.

Inihayag ni Catapang na pinalaya ng ahensiya ang 736 PDLs kung sn 554 rito ang natapos na ang kanilang hatol,56 ang pinawalang-sala, 14 ang nakakuha ng probation, pito sa habeas corpus, 100 ang nabigyan ng parole, at lima naman ang turnover dahil sa mga nakabinbin na kaso.

Base sa datos ng BuCor, ang mga pinalayang PDLs ay mula sa mga pasilidad sa Correctional Institution for Women (CIW) – 37, CIW- Mindanao – 6, Davao Prison and Penal Farm – 118, Iwahig Prison and Penal Farm – 77, Leyte Regional Prison – 54, New Bilibid Prison (NBP) – 63, NBP-Maximum – 85, NBP-Medium – 87, NBP-Minimum – 36, NBP-Reception and Diagnostic Center (RDC) – 10, Sablayan Prison and Penal Farm – 71, at San Ramon Prison and Penal Farm – 92. (Bhelle Gamboa)