Beauty Salon, Learning Center na sangkot sa illegal recruitment ipinasara ng DMW

Sabay na ipinasara ng Department of Migrant Workers (DMW) ang isang Beauty Salon at Learning Center sa Imus, Cavite makaraang matuklasan na sangkot ito sa operasyon ng illegal recruitment.

Batay sa imbestigasyon ng DMW, nag-aalok ang VMJ Beauty Salon and Spa ng trabaho blang hairdresser, manikurista, at nail technician patungong Saudi Arabia kapalit ng pangakong sahod na humigit-kumulang P35,000.

Ang JEF & EDS Learning Center naman ang nagsisilbing pansamantalang tinutuluyan ng mga aplikante ng VMJ.

Gayunman, kinakailangan umanong sumailalim muna sa training ang mga aplikante at magbayad ng Php 15,000 bilang training fee, na maaaring bayaran ng hulugan.

Ayon sa DMW walang kaukulang lisensya o akreditasyon mula sa ahensya ang nasabing salon at learning center kaya nilalabag nit ang Republic Act No. 8042. (DDC)