Araw ng Sabado itinakda bilang “Regular Clean-up and De-clogging Day” sa buong Maynila

Itinakda ang araw ng Sabado bilang “Regular Clean-up and De-clogging Day” sa lungsod ng Maynila.

Sa Executive Order No. 3 na nilagdaan ni Manila Mayor Isko Moreno, bunsod ito ng malalang sanitary conditions at problema sa garbage collection sa lungsod.

Nakasaad sa EO na tuwing Sabado, mula 6:00 ng umaga hanggang 10:00 ng umaga, iniuutos ang pagsasagawa g clean-up at de-clogging sa lahat ng kalye, lansangan, waterways, drainage, estero, canal at iba pa sa buong lungsod.

Inaatasan ang lahat ng Punong Barangay at council nito na lumahok at pangunahan ng paglilinis sa kani-kanilang nasasakupan gayundin ang Department of Public Services (DPS) at Department of Engineering and Public Works (DEPW).

Hinikayat din sa EO ng bawat Manileño na makiisa sa paglilinis sa kani-kanilang mga lugar at komunidad. (DDC)