Mobile Soil Laboratories ipinagkaloob sa mga magsasaka sa 16 na rehiyon sa bansa

Pinangunahan ni Pangulong Ferdinand Marcos, Jr. ang turnover ceremony sa labinganim (16) na Mobile Soil Laboratories (MSL).

Ang mga labinganim na MSL ay para sa lahat ng mga rehiyon sa bansa.

Ayon sa pangulo makatutulong ang mga ten-wheeler MSL sa mga magsasaka para mas mapagbuti ang kanilang ani.

Ang bawat ten-wheeler MSL ay mayroong state-of-the-art equipment na magagamit ng mga magsasaka sa soil testing at analysis.

Sinabi ni Pangulong Marcos na bawat rehiyon sa bansa ay mapagkakalooban ng MSL at gagamitin din ito upang mapag-aralan at matukoy ang mga pangangailangan ng mga magsasaka at kung ano ang karampatang ayuda na maaaring ibigay sa kanila. (DDC)