First batch ng OFWs mula Middle East na nag-avail ng repatriation program ng gobyerno, pauwi na ng bansa

Sa kabila ng delay sa flight dahil sa pagsasara ng airspace ng Qatar ay ligtas na nakasakay commercial flight ang 31 Overseas Filipino Workers (OWFs) na nag-avail ng repatriation program ng pamahalaan.

Karamihan sa mga pauwing OFW ay mula sa Israel na umabot sa 26, mayroong 3 mula Jordan, 1 mula sa Palestine at 1 mula sa Qatar.

Pinagkalooban ng karampatang tulong ang mga OFWs na nag-avail ng repatriation program ng pamahalaan base sa utos ni Pangulong Ferdinand Marcos Jr.

Kasama mismo sa nasabing flight si Department of Migrant Workers (DMW) Hans Leo Cacdac na personal na inasikaso at sinundo ang mga uuwing OFW.

Ayon sa DMW, muli ring nagbukas ang Qatari airspace at naghihintay ang na din ahensya ng panibagong schedule ng susunod na flight.

Nagpasalamat ang DMW sa Qatari Ministry of Interior sa mabilis na aksyon para matiyak ang agaran at ligtas na pag-uwi ng mga Pinoy.

Panawagan naman ng DMW sa mga Pinoy na nananatili pa sa Middle East na maging mahinahon at maging mapagmatyag.

Ayon kay Cacdac, habang nasa Doha Hamad International Airport may nakausap siyang dalawang OFW na hindi nakasakay sa kanilang connecting flight patungong Pagadian.

Tiniyak ni Cacdac na aasikasuhin ng DMW ang rebooking ng kanilang flight at sasagutin na ng ahensya ang bayarin sa tickets. (DDC)