Bomb simulation exercise idinaos sa Cebu City bilang paghahanda sa Sinulog 2023
Nagdaos ng bomb simulation exercise ang mga otoridad sa Cebu City bilang paghahanda sa Sinulog 2023.
Lumahok ang mga tauhan ng Cebu City Disaster Risk Reduction and Management Office sa bomb simulation na inorganisa ng Cebu City Police Office.
Isinagawa ang simulation exercise sa Osmeña Boulevard sa harap ng DOH Jones at Crown Regency Fuente.
Layunin nitong matiyak na madaling makatutugon ang mga responders at iba’t ibang ahensya sakaling magkaroon ng bomb threats o kahalintulad na insidente sa selebrasyon ng Sinulog 2023. (DDC)
