2 dating CIW officials, 5 na tauhan pinakakasuhan ng BuCor

Inutos ni Bureau of Corrections (BuCor) Director General Gregorio Pio P. Catapang Jr. ang pagsasampa ng kasong administratibo, kriminal, at civil laban sa dalawang dating superintendents ng Correctional Institution for Women (CIW) at limang tauhan dahil sa umano’y mga iregularidad ng administrasyon at paghawak ng mga pondong ipinagkatiwala sa kanila para sa mga persons deprived of liberty (PDLs).

Kasunod ng imbestigasyon ng Directorate for Intelligence and Investigation (DII), inaprubahan ni Catapang ang rekomendasyon na magsagawa ng administrative proceedings sa BuCor Office of Internal Affairs Service laban kina C/SSupt. Daisy Sevilla-Castillote, CT/SSupt. Marjorie Ann Sanidad, CO2 Bianca Flor C. Ramos, CO1 Maryrose Y. Abucay, CO1 Madel C. Figuerres, CO1 Gloria N. Lakisa, at CO1 Charlot Jennifer L. Carreon.

Nagbaba rin ng direktiba si Catapang na magsampa ng kaukulang criminal at civil charges laban sa mga tauhang sinasangkot.

Base sa investigative report na may petsang August 30, 2026, natuklasan ng DII na si Ramos, na nagsilbing CIW Trust Fund Officer, ay nabigong mahanap ang P5,153,375 sa PDL Trust Fund. Ang naturang halaga sa final audit report ng parallel investigation na isinagawa ng BuCor Internal Audit Service Unit noong August 25, 2026, subalit sumasalamin sa hindi makitang P6.4 million na walang kaltas sa mahigit sa P1.2 million na hindi pa nakokolekta o nakalista bilang receivables.

Sinabi ni Catapang na ang ikalawang review ay isasagawa upang maisaayos ang pagkakaiba.

Batay sa report, mahaharap si Castillote ng kasong administratibo dahil sa gross neglect of duty at grave misconduct na may kinalaman sa kanyang puwesto noong panahong siya pa ang CIW superintendent.Ayon sa imbestigasyon, nabigo siyang magpatupad ng kinakailangang sipag sa pagsusuperbisyon, pagmomonitor, pagsasaayos, at pagpapanatili ng institusyunal na pagkontrol sa PDL Trust Fund. Nabigo rin siyang sumunod sa BuCor PDL Trust Fund Policy, ang primary guideline sa pamumuno ng pamamahala, resposibilidad, pagmomonitor at superbisyon ng pondo.

Lumilitaw sa imbestigasyon na si Castillote umano ay nagpahiwatig ng otorisasyon sa paggamit ng PDL Trust Fund money para sa renobasyon at pagpapaganda ng Multipurpose Hall, Overseer’s Office, and Investigation and Verification Section Unit (IVSU), na paglabag sa restriksiyon sa administrasyon, paggamit, at disposisyon ng trust fund resources.

Si Sanidad na nagsilbing acting CIW superintendent bago ang appointment ni Castillote, ay kinakitaan umano ng pag-otorisa ng advancement na P300,000 mula sa Trust Fund para punan ang LBC remittance na nakalaan sa PDLs na napaulat na hindi maayos na naipadala. Ang transaksiyon ay itinuring din na paiba-iba sa umiiral na mga polisiyang saklaw ng paggamit at disposisyon ng PDL Trust Fund resources.

Hindi naman maipaliwanag ng maayos ni Ramos,na siyang Trust Fund Officer, kung saan, disposisyon o ginamit ang kakulangang halaga na P5,153,375 .

Si Abucay,na itinalaga ng incoming CIW Trust Fund Officer, ay kinakitaan naman ng mga pagkukulang na may kaugnayan sa turnover ng mga tungkulin. Kabilang rito ang kawalan ng pormal na turnover document, kakulangan ng independent witnesses sa gitna ng turnover ng cash at iba pang pananagutan, at ang kabiguan nitong tiyakin ang sapat na dokumentasyon at beripikasyon ng mga pondo na nadiskubre matapos ang paglilipatsa naturang imbestigasyon natukoy ang mga pagkukulang na kinasangkutan umano nina Figuerres, Lakisa, at Carreon sa performance ng kanilang mga tungkulin bilang Trust Fund staff. Kasama na rito ang mga pagkukulang sa recording, documentation, monitoring, reconciliation, maintenance, at verification ng Trust Fund transactions at kaugnay na mga records.

Inihayag ng BuCor na ang pinagsama-samang kapabayaan ng personnel ay nagbigay ng kahinaan sa accuracy, reliability, at accountability ng PDL Trust Fund documentation. (Bhelle Gamboa)