PAL itinangging isang dati nilang Piloto ang homeless na ngayon sa Thailand
Itinanggi ng Philippine Airlines ang artikulong isinapubliko sa isang news website kung saan sinasabing isang dating piloto ng PAL ang homeless ngayon sa Thailand.
Sa artikulo na isinapubliko sa Thai PBS World, tinukoy ang indibidwal na si Larry Malpaya na natutulog na umano sa lansangan ng nasabing bansa.
Sa inilabas na pahayag ng PAL, sinabi nitong aktibong piloto pa din nila si Capt. Larry Malpaya.
Agad din nitong ni-request sa Thai PBS World na itama ang artikulo nila para maiwasan ang paglaganap pa ng misinformation.
Sa ngayon ay deleted na ang nasabing artikulo sa website ng Thai PBS World. (DDC)
