Las Piñas LGU nagsagawa ng feeding program tugon sa tamang nutrisyon para sa kabataan
Umabot sa 800 servings ng masustansyang beef picadillo ang inihanda ng City Nutrition Committee LPC sa isinagawang Auxiliary Feeding Program sa Narra Covered Court, Barangay CAA-BF International, bilang bahagi ng patuloy na pagsusulong ng tamang nutrisyon para sa mga kabataan.
Personal na dumalo si Mayor April Aguilar sa feeding program bilang pagpapakita ng suporta ng Pamahalaang Lungsod sa mga hakbang na naglalayong mapabuti ang kalusugan ng komunidad.
Kasabay ng pamamahagi ng masustansyang pagkain sa mga kabataang Las Piñero ay higit na napapalawak ang kamalayan ng mga pamilya sa kahalagahan ng wastong nutrisyon. (Bhelle Gamboa)
