DOLE ilalaban ang P85 wage increase sa NCR
Tiniyak ng Department of Labor and Employment na ilalaban nito sa korte ang 85 pesos wage increase para sa mga manggagawa sa Metro Manila.
Ayon kay Labor Sec. Francis Tolentino, nakikipag-ugnayan na sila sa Office of the Solicitor General para sa susunod na hakbang.
Ang OSG ang magsisilbing legal counsel ng DOLE sa court proceedings.
Sinabi ni DOLE-NCR Regional Director at RTWPB-NCR Chair Atty. Sarah Buena S. Mirasol, idinaan sa tamang proseso ang wage hike at sumailalim sa pagtalakay ng mga miyembro ng wage board.
Nabigyan din aniya ng oportunidad ang lahat ng panig sa isinagawang konsultasyon kabilang ang panig ng mga manggagawa, employers, at ng gobyerno. (DDC)
