61 OFWs mula Saudi Arabia nakauwi na sa bansa
Ligtas na nakabalik sa Pilipinas ang animnapu’t isang overseas Filipino workers na naapektuhan ng kaguluhan sa Saudi Arabia.
Dumating sa Ninoy Aquino International Airport Terminal 3 ang mga OFW kung saan sinalubong sila ng mga kinatawan ng Department of Migrant Workers (DMW) at Overseas Workers Welfare Administration (OWWA).
Agad ding nabigyan ang mga umuwing OFW ng tulong pinansyal, libreng pagkain, pansamantalang matutuluyan, at transportasyon, lalo na ang mga kailangang makauwi sa kani-kanilang lalawigan.
Naisakatuparan ang repatriation sa pagtutulungan ng One Country Team sa Riyadh, sa pangunguna ng Philippine Embassy, Migrant Workers Office (MWO), at OWWA-Riyadh. (DDC)
