Kakayahan ng mga pasahero ikokonsidera din ng LTFRB sa hirit na taas-singil sa pasahe

Sisimulan na ng LTFRB ang pag-recompute sa nararapat na fare adjustments batay sa panawagan ng grupong Manibela at petisyon ng grupong PISTON na sampung pisong fare hike.

Ayon sa LTFRB, sa gagawing pag-recompute, ikokonsidera nila ang lahat ng partidong posibleng maapektuhan ng taas-singil sa pasahe.

Kabilang dto ang kakayahan ng mga pasahero sakaling itaas ang singil sa pamasahe, gayundin ang magiging epekto nito sa inflation at presyo ng pangunahing bilihin at serbisyo.

Sa kabila nito, tiniyak ng LTFRB na sa halip na interim adjustment nang dahil sa pagtaas ng presyo ng produktong petrolyo ay maglalabas ang ahensya ng final resolution tungkol dito sa lalong madaling panahon.

Habang hinihintay ang pasya ng ahensya ay patuloy naman ang pagpapatupad ng fuel discount at ang pag-aaral na palawigin pa ito para masakop ang mas marami pang PUV. (DDC)