Betrayal of public trust nangyari na nang magbanta si VP Sara – Matibag

Nagkaroon na ng “betrayal of public trust” sa panig ni Vice President Sara Duterte nang inamin nito sa isang online press briefing na siya ay may kinausap na para paslangin si Pangulong Ferdinand Marcos Jr., First Lady Liza Marcos at dating House Speaker Martin Romualdez.

Ito ay naging sagot ni NBI Director Melvin Matibag sa tanong ni Defense Counsel Mark Vinluan kung bakit hindi nag-imbestiga ang ahensya patungkol sa “betrayal of public trust” laban kay VP Sara.

Ayon kay Matibag, kahit pa matukoy ng NBI kung sino ang taong kinontrata ni VP Sara para isagawa ang pagpaslang, ay hindi na ito kailangang imbestigahan.

Nangyari na ang betrayal of public trust ayon kay Matibag nang gawin pa lang ng bise presidente ang pagbabanta.

INSERT MATIBAG SOT – THE ISSUE

Dahil sa sagot na ito ni Matibag, inihirit ni Vinluan na alisin sa rekord ang kaniyang sagot.

Ayon kay Vinluan, may mga conclusions of fact na sa naging sagot ni Matibag.

INSERT VINLUAN SOT – WITH ALL

Hindi naman pumayag si Presiding Officer Chiz Escudero sa hirit ng Defense Team at pinanatili sa rekord ng proceedings ang tugon ng NBI Director. (DDC)