NBI may persons of interest na sa naging pagbabanta umano ni VP Sara sa buhay ni PBBM

May persons of interest na ang National Bureau of Investigation kaugnay sa naging pagbabanta ni Vice President Sara Duterte para paslangin umano si Pangulong Ferdinand Marcos Jr., First Lady Liza Marcos at dating House Speaker Martin Romualdez.

Sa pagharap ni NBI Director Melvin Matibag sa Impeachment Trial, sinabi nitong nagpapatuloy ang imbestigasyon ng binuong Task Force ahensya sa naging pagbabanta ng bise presidente.

Itinuturing kasi aniya ng NBI na aktibo pa din ang banta.

Ayon kay Matibag, ang person of interest ay maaaring makapagturo sa taong kinausap ni VP Sara para isagawa ang pagpaslang, o kaya naman ay siya mismo ang taong kausap ng bise.

Tumanggi pa si Matibag na pangalan sa Impeachment Trial ang natukoy nilang persons of interest. (DDC)