Overseas trip ni VP Sara kinumpirma ng OVP; biyaheng Qatar, UK at The Netherlands

Kinumpirma ng Office of the Vice President ang overseas trip ni Vice President Sara Duterte.

Ayon sa pahayag ng OVP, bahagi ng biyahe ng bise presidente ang pagdalo sa isang forum sa Qatar, Filipino Community event sa United Kingdom, at ang huli ay sa The Netherlands.

Sinabi sa pahayag na ang naturang biyahe ni VP Sara ay layong makisalamuha sa mga overseas Filipino, at isulong ang interest ng Pilipinas sa ibang bansa.

Kinumpirma din ng OVP na ang biyahe ay mayroong official at personal engagements.

Wala umanong pondo ng gobyerno na ginastos para sa buong biyahe.

At sa kabila ng pag-alis sa bansa ni VP Sara ay patuloy ang pagkilos ng OVP sa iba’t ibang mga programa at proyekto nito kabilang ang disaster response. (DDC)